Менаџерот на Ливерпул, Јирген Клоп, по триумфот на Ливерпул (1-3) над Бенфика во ЛШ, ги коментираше и гласините за интересот на „црвените“ за Ерлинг Халанд од Борусија Дортмунд. Норвешкиот напаѓач ова лето речиси сигурно ќе ја напушти Борусија, а како главни кандидати за негово доведување се споменуваат Реал Мадрид и Манчестер Сити.
Барселона наводно испаднала од трката, а Ливерпул се најавуваше како клуб кој би можел да се вмеша во борбата за одличниот стрелец. Но, Клоп тоа го негираше.
„Нема шанси. Нема да дадеме никаква понуда. Споменатите бројки се луди и не сакаме да имаме никаква врска со тоа. Таа приказна не е ни смешна. Искрено, не сакам да имам каква било врска со таа приказна“, изјави Клоп за „Билд“, а неговиот одговор веднаш стана вирален хит на социјалните мрежи.
