Манчестер Сити го победи Атлетико Мадрид со 1-0 на „Итихад“ во првиот натпревар од четвртфиналето на Лигата на шампионите. Шпанскиот шампион грчевито се бранеше, што му создаде огромни проблеми на Сити.
Англичаните успеаја да го разбијат бункерот со голот на Кевин де Бруин во 70. минута, а по натпреварот менаџерот на Сити, Пеп Гвардиола, не беше воодушевен од тактичката поставеност на неговиот колега Диего Симеоне.
„Чувствувавме дека ќе играат 5-3-2. Притоа, тие го насочија Гризман далеку надесно и Жоао Феликс налево и ја претворија формацијата во дефанзивна 5-5-0. Така формираа две одбранбени линии со по пет играчи. Во праисторијата, денес или после 100 илјади години е многу тешко да се напаѓаат два реда по пет играчи. Во такви околности тие беа подобри од нас“, изјави шпанскиот стратег.
