Аргентинскиот интернационалец Гонзало Игуаин, кој го носи дресот на Интер Мајами, најверојатно ќе ја заврши кариерата на крајот од календарската 2022 година. Ова во интервју за аргентинските медиуми го соопшти неговиот татко Хорхе. Договорот на Игуаин со тимот од МЛС – лигата истекува на крајот на годината.
Тој од Ривер Плата пристигна во Реал Мадрид каде мина шест сезони. Потоа мина три сезони во Наполи, а во 2016 година го засили Јувентус. За четирите години меѓу „бјанконерите“ беше на позајмица во Милан и во Челси, а во 2020 година пристигна во Интер Мајами.
За репрезентацијата на Аргентина одигра 75 натпревари и постигна 31 гол.
