Аргентинскиот интернационалец Пауло Дибала е првиот фудбалер на Јувентус кој бил истражуван од страна на италијанските власти за „донираните плати“ за време на пандемијата кои подоцна биле исплатени со тајни договори, тврди „Газета дело спорт“.
Финансиската истрага започна пред неколку месеци, почнувајќи со „напумпаните“ суми за трансфери, а сега се прошири на други финансиски зделки на „старата дама“. Истрагата почнала од Дибала, а ќе продолжи со изјави од сите фудбалери.
Јувентус пред две години објави дека фудбалерите се согласиле да се откажат од платата за три месеци за да помогнат на клубот за време на пандемијата, но обвинителите тврдат дека многу фудбалери ги добиле целосните плати. Сепак, не биле исплатени од сметките на Јувентус.
