Италијанскиот регулатор за заштита на конкурентноста (CODACONS) тврди дека Јувентус би можел да испадне во Серија Б доколку работи незаконски и ќе го побара токму тоа. Дополнително, постои закана на клубот да му бидат одземени титули поради сомневање за незаконски дејствија кои му претходеле на успехот на клубот.
Претседателот на клубот Андреа Ањели, потпретседателот Павел Недвед, до неодамна спортскиот директор Фабио Паратичи и уште тројца актуелни и поранешни функционери на Јувентус задолжени за финансиите на клубот се под истрага за фалсификување на сметководството на клубот и лажно фактурирање. Самиот Јувентус е обвинет за профит со лажно прикажување на вредноста на играчите со нивно надувување.
„На службениците на торинскиот огранок на економската и финансиската полиција задолжени за истрагата во овој случај им беше наредено да најдат и издвојат документација и други корисни докази поврзани со финансиските извештаи на клубот од 2018 до 2021 година, особено оние поврзани со купување и продавање играчи. Во моментов истрагата е насочена кон докажување на сторени кривични дела лажно прикажување на трансакции и непостоечки трансакции на раководството на клубот, поточно на раководителите на деловните, финансиските и спортските сектори на Јувентус“, соопшти државното обвинителство.
„Истрагата за Призма започна во мај 2021 година и беше доверена на инспектори од Секторот за финансиски криминал. Во текот на истрагата тие користеа прислушување и следење на комуникациите на осомничените поради основано сомневање дека многубројните трансфери на фудбалери биле пренагласени од посредници. Јувентус е обвинет дека е одговорен за криминални дејствија затоа што клубот, како правно лице, обезбедил покритие за поединци незаконски да профитираат од одредени работни места“.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski