Челси и Манчестер Јунајтед одиграа 1-1 на „Стемфорд Бриџ“, а покрај стрелците и головите најголемо внимание предизвика тоа што Кристијано Роналдо го почна мечот на клупата за резерви. Мајкл Карик, кој е привремен менаџер на „ѓаволите“, ја прокоментираше својата одлука да не го вклучи Роналдо во стартниот тим.
„Потребни се неколку прилагодувања и промени за да се освежат работите. Роналдо е нашето истакнато име. Имав разговор со Кристијано и беше одлично“, изјави Карик.
Роналдо е еден од клучните фактори за сите добри настапи на Јунајтед оваа сезона, па затоа е чудно што беше изоставен во нападот на Манчестер. Од друга страна, има и такви кои ја поддржуваат оваа одлука, сметајќи дека Роналдо ја задушува офанзивата и младиот тим на Јунајтед.
