Манчестер Јунајтед можеби не игра најдобро во последниот период во Премиер – лигата, но успеа да остане непоразен кај лидерот Челси (1-1) во дербито на „Стемфорд бриџ“. Иако лондонските „сини“ беа подобар ривал, сепак, не успеаја да стигнат до три бода.
Мајкл Карик го остави Кристијано Роналдо на клупата од самиот старт, а му даде шанса на Џејдон Санчо. И тој му возврати со гол за водство во 50.минута. Успеа да ја искористи грешката во одбраната на Челси и го надмудри Едуард Менди.
Рудигер ја погоди гредата, а во 69.минута беше досуден пенал за Челси. Успешен реализатор беше Жоргињо израмнувајќи на 1-1.
Во финишот, Томас Тухел го уфрли во игра и опоравениот Ромелу Лукаку, претходно Кристијано Роналдо веќе го замени Санчо, но, остана реми на „Стемфорд бриџ“.
Челси сега има еден бод предност пред Манчестер Сити на врвот на табелата во Премиер – лигата.
