Уругвај остана без селектор на фудбалската репрезентација откако Оскар Табарез ја напушти таа функција по 15 години. Според медиумите во Јужна Америка, федерацијата отпочнала преговори со тренерот кој досега се сметаше за невозможна мисија. Тоа е тренерот на Ривер Плата, Марсело Гаљардо.
Договорот на трофејниот тренер истекува на крајот на годината, а тој самиот изјави дека нема да ги открива плановите до крајот на аргентинскиот шампионат во кој Ривер е пред освојување на титулата.
Челниците на уругвајската федерација ќе одат во Буенос Аирес за да преговараат со Гаљардо, кој со години се поврзува со можна преселба во Европа.
Со Ривер Плата тој освои 11 трофеи во седум сезони, од кои две титули во Копа Либертадорес. Пред Ривер Плата работеше во Уругвај, каде го предводеше Насионал, со кој стана шампион на таа земја.
