Поранешниот дефазивец на Арсенал и на Челси, Давид Луиз, се уште е без клуб. Се појавија информации за негов трансфер во новиот италијански прволигаш Салернитана, но Бразилецот тоа го негираше.
Според бразилските медиуми, Давид Луиз ќе има можност да се врати во татковината и да игра во дресот на Фламенго. Клубот му испрати понуда, а одговорот на играчот се очекува да биде позитивен.
Освен во Англија, Давид Луиз играше и за Виторија, Бенфика и за ПСЖ. Минатата сезона, тој одигра 30 натпревари за Арсенал, и постигна два гола.
