Супертрансфер во турскиот шампион: Бесар Гуџуфи потпиша за Бешикташ (ФОТО)

Еден од најталентираните македонски фудбалери, Бесар Гуџуфи, потпиша договор со новиот турски шампион Бешикташ. За сума од 500.000 евра тој се сели во Истанбул и во наредните пет години ќе го носи „црно-белиот“ дрес на Бешикташ.

Младинскиот репрезентативец на Македонија во изминатите шест месеци го носеше дресот на Беласица, а е дете на Вардар. По хаотичната состојба во Вардар одлучи да замине во Беласица за да се стекне со прволигашко искуство, а сега е веќе во редовите на турскиот првак.