Oсман Дембеле е подготвен за враќање во составот на Пари Сен Жермен, откако е вклучен во тимот кој ќе му гостува на Баер Леверкузен во новото коло на Лигата на шампионите во вторник.
Добитникот на „Златната топка“ за 2025 година, кој на 5 септември заработи повреда на коленото, се враќа во конкуренција по повеќе од еден месец пауза. Тој ќе биде дел од составот на шампионот на Франција и европски првак, заедно со капитенот Маркињос, кој исто така се опорави од повреда на бутниот мускул.
Сепак, Фабијан Руиз и Жоао Невеш остануваат надвор од комбинација и нема да патуваат за Германија.
Дембеле сè уште нема настапено во Лигата на шампионите оваа сезона. Пари Сен Жермен во новиот формат на натпреварувањето со 36 екипи се наоѓа на третото место, откако ги доби првите два натпревари.
