Потенцијалното големо засилување на Манчестер јунајтед, Карлос Балеба, нема да се реализира ова лето. Иако се шпекулираше за трансфер вреден над 100 милиони евра, англиските медиуми јавуваат дека Брајтон категорично одбил да се раздели со својот талентиран играч за врска.
21-годишниот камерунски фудбалер минатата сезона беше стандарден член на „галебите“ и со своите настапи го привлече вниманието на „црвените ѓаволи“.
Со оглед на ставот на Брајтон, Јунајтед ќе мора да ја насочи својата потрага кон алтернативни решенија во средниот ред.
