Фенербахче успеа да ја анулира негативата од 2-1 од првиот меч и го елиминира Феенорд со убедливи 5-2 во Истанбул. Драмата почна во првото полувреме кога гостите поведоа во 41. минута, но само три минути подоцна Бран израмни, а во судиското продолжение Дуран донесе водство од 2-1 за турскиот тим.
Во второто полувреме, истанбулскиот гигант ја запечати победата преку Фред, Ен-Несири и Талиска.
Историски успех забележа кипарски Пафос, кој и во вториот меч беше подобар од Динамо Киев (1-0 и 2-0) и со вкупни 3-0 се пласира во плеј-офот од Лигата на шампионите.
Копенхаген беше брутален против Малме. По 0-0 во Шведска, домаќините во реваншот славеа со 5-0.
Плзен славеше пирова победа од 2-1 против Глазгов Ренџерс, но шкотскиот шампион оди понатаму благодарение на триумфот од 3-0 во првиот меч.
