Нeјмар се врати на теренот по петнеделна пауза поради повреда, но не успеа да го спречи елиминирањето на неговиот клуб Сантош од Купот на Бразил. Во реванш-натпреварот против Клуб Регатас Бразил, кој заврши без голови (0-0), Сантош испадна по изведување пенали – со резултат 5-4 за противникот и покрај тоа што Нејмар го погоди својот удар од белата точка.
По мечот, Нејмар изјави:
„Знам дека кога сум на теренот, ситуацијата е поинаква. Знам дека можам да му помогнам на тимот.“
33-годишниот бразилски ас не настапуваше од 16 април, кога беше заменет на полувремето против Атлетико Минеирo поради повреда на бутниот мускул. Откако се врати во Сантош во февруари, има девет настапи, со три гола и три асистенции.
За поранешниот клуб Ал-Хилал одигра само седум натпревари за 17 месеци, што го поставува прашањето за неговата физичка подготвеност.
Нејмар се надева дека ќе биде повикан во проширениот состав на Бразил од новиот селектор Карло Анчелоти за претстојните квалификациски натпревари за СП 2026 против Еквадор и Парагвај. Составот ќе биде објавен во понеделник.
