Информацијата дека Јирген Клоп постигнал договор за да стане нов тренер на Рома не е вистинита, категорично изјави неговиот агент Марк Косичке.
Италијанското издание „Ла Стампа“ пренесе вест дека германскиот стратег е пред ангажман на „Олимпико“, но Косичке ја демантираше оваа информација.
„Ова не е вистина“, беше јасен агентот на Клоп.
Рома во моментов е во потрага по нов тренер кој ќе го замени Клаудио Раниери, кој се повлекува од функцијата. Од друга страна, Клоп во моментов ја извршува улогата на глобален фудбалски директор во организацијата „Ред Бул“, позиција што ја презеде по заминувањето од Ливерпул.
