Ливерпул и Арсенал одиграа возбудливо реми 2-2 на „Енфилд роуд“ во 36. коло од англиската Премиер-лига.
Домашниот тим имаше одлично прво полувреме и поведе со 2-0. Коди Гакпо во 20. минута го отвори резултатот, а само минута подоцна Луис Дијаз зголеми на 2-0.
Арсенал се врати во второто полувреме – Мартинели намали на 2-1 во 47. минута, а Микел Мерино во 70. минута израмни на 2-2, освојувајќи бод за „топчиите“.
Ливерпул веќе ја обезбеди титулата во Премиер-лигата неколку кола пред крајот и игра без притисок, додека Арсенал сака да се избори за второто место.
