Реал Мадрид денеска игра натпревар од Ла Лига против Алавес и ќе се обиде да ја намали бодовната разлика во однос на Барселона.
„Кралскиот клуб“ не успеа да го одложи овој натпревар пред реваншот од четвртфиналето во Лигата на шампионите против Арсенал. „Топчиите“ имаат предност од три гола од првиот меч во Лондон.
Реал размислува и за засилувања. Изненадувачки, на списокот се појави името на Аргентинецот Алексис Мекалистер од редовите на Ливерпул.
Реал ќе мора да плати оштета за него, бидејќи договорот со „црвените“ му трае до 2028 година. Мекалистер во моментов има пазарна вредност од 90 милиони евра. Во Ливерпул пристигна од Брајтон во летото 2023 година за 42 милиони евра.
За клубот од „Енфилд“ има 90 настапи, при што постигна 13 голови и забележа 11 асистенции. Во тековната сезона има ефект од шест гола и четири асистенции.
