Аргентина го загуби и Лаутаро Мартинез за дуелите со Уругвај и со Бразил

Селекторот на Аргентина, Лионел Скалони, доби уште една лоша вест откако стана јасно дека Лионел Меси и Пауло Дибала нема да играат на квалификациките натпревари во март.

Напаѓачот на Интер, Лаутаро Мартинез, кој е една од големите ѕвезди на „албиселесте“, го напушти кампот на светските шампиони поради повреда.

Мартинез почувствувал мускулен дискомфорт и отпадна од плановите на Скалони за тешкото гостување кај Уругвај на 22 март (сабота) и дербито против Бразил на домашен терен четири дена подоцна, на 26 март (среда).