Фудбалерките до 17 години ја победија Словенија и се пласираа во А дивизијата

Младата женска фудбалска репрезентација на Македонија до 17 години забележа нова победа на квалификацискиот турнир (Б лига) за пласман во А дизивијата од квалификациите за ЕП кој се одржува во Скопје.

Нашата репрезентација ја победија Словенија со минимален резултат 1-0 во битката за првото место во групата.

Женската репрезентација до 17 години, го освои првото место во групата 6 (Б лига) и обезбеди промоција во А лигата.

На тренинг центарот „Петар Милошевски” Македонија и Словенија одиграа тврд натпревар, со голема борба и пожртвуваност. Стрелец на единствениот погодок на денешната средба беше Настасја Накова во 8. минута.

Квалификациски турнир во Скопје;

Лига Б, Група 6;

Македонија – Словенија   1-0 (1-0)

МАКЕДОНИЈА: Евгенија Велјановска, Настасја Накова, Блехана Алиеска, Канита Емини, Мила Панева, Ева Величкова, Теона Галабовска, Меланија Грозданова, Ана Марија Цветкоска, Калина Попески, Елена Наумоска;

Селектор: Катерина Милеска;