Креирајќи го новиот лик за новата натпреварувачка сезона Брегалница сериозно ја засили дефанзивната линија. Нова аквизиција на „сините“ е досегашниот одбранбен фудбалер на Работнички, Стојан Стојчевски.
26-годишниот централен дефанзивец претходно настапуваше и за Академија Пандев, Скопје, Вардар, Хоризонт Турново, Тетекс, Љубанци и за Силекс.
Како што е познато, Брегалница по добивањето на новиот генерален финансиер Кире Гогов повеќе од сериозно ги засили и играчките редови во желбата за битка за првата позиција следнава сезона во Втората лига – Исток. Претходно беа ангажирани Велинов, Османовски, Настевски, Стојанов, Гуцев, Миленковски…
