Франција стигна и до втор триумф во квалификациите за ЕВРО 2024 откако ја победи Ирска со 0-1 во Даблин. Бенјамин Павар беше стрелец на победничкиот гол за „триколорите“ во 50.минута од мечот.
Србија го доби дуелот со Црна Гора со 0-2, а Душан Влаховиќ беше двоен стрелец. Го отвори резултатот во 78.минута, а потоа и го потврди триумфот во 96.минута.
Унгарија убедливо ја победи Бугарија со 3-0, Чешка не успеа да слави на гости во Кишињев против Молдавија и ремизираше без голови, а Полска ја победи Албанија со 1-0, со голот на Карол Свидерски.
Холандија очекувано го победи Гибралтар со 3-0.
Шведска немаше милост против Азербејџан и славеше со 5-0, а Австрија со пресврт ја победи Естонија со 2-1.
