Уругвај го прекина националното првенство поради бојкот на судиите. Арбитрите побарале поголеми безбедносни гаранции од фудбалската федерација во земјата, затоа што добивале премногу закани на последните натпревари.
На мечот Данубио – Пењарол, на судиската тројка им се заканувал клупскиот фотограф на Данубио. На натпреварот Национал – Торке сити, на помошниот судија му се заканувале навивачи пред мечот, по што одбил да суди и бил заменет, а по ова паднала одлуката за бојкот.
„Сите активности на судиите се суспендирани на неодредено време. Не можеме повеќе да молчиме на заканите за физичко насилство и бараме конечно да се преземат мерки за казнување“, објавија од судиското здружение во Уругвај.
