УЕФА ја казни Црвена Звезда откако Златан Ибрахимовиќ беше подложен на расистички навреди за време на натпреварот против Милан во рамките на Лигата на Европа. Шведскиот напаѓач беше на клупата за време на натпреварот во Белград во февруари.
За потсетување, натпреварот требаше да се игра без присуство на навивачи, но сепак одредена група – сè уште неидентификувана – беше присутна и во одреден дел од натпреварот го навредуваше фудбалерот.
Неговото семејство потекнува од Босна и Херцеговина, па дисциплинскиот комитет на УЕФА ги потврди расистичките навреди и „провокативното и навредливо скандирање“.
Поради тоа, УЕФА ја казни Црвена Звезда со 25.000 евра и нареди следниот европски натпревар на домашен терен, Звезда да го игра без присуство на навивачи. Покрај тоа, клубот беше казнет со 5.000 евра за прекршување на протоколите на Ковид-19 со тоа што им дозволи влез на одредена група луѓе и не спроведе мерки за социјална дистанца.
