Интер оствари тешка, но драгоцена победа над Верона со 1-2, благодарение на автогол на противникот во последните секунди од натпреварот. Со овој триумф „нероаѕурите“ го искористија киксот на Наполи и се доближија до врвот на табелата.
Тимот на Кристијан Киву започна одлично. Во 16. минута, Пјотр Зиелински со вистинско ремек-дело од удар од волеј од околу 17 метри ја погоди мрежата на домаќините и донесе водство за Интер.
Верона, сепак, не се предаде. Во самиот финиш на првото полувреме, Џоване со одлична индивидуална акција ја изигра одбраната на Интер и со прецизен удар го совлада Јан Зомер, враќајќи ја неизвесноста во мечот.
Кога сите очекуваа реми, Интер повторно ја покажа својата ментална сила. Во последните моменти од натпреварот, по нафрлена топка во шеснаесетникот, Фрезе ја зафати топката и го изненади голманот Монтипо за драматична победа на тимот од Милано.
