По тешкиот пораз од Чукарички со 4-1 на гостински терен, раководството на Партизан денеска реши да стави крај на соработката со тренерот Срѓан Благојевиќ. Белградскиот клуб наскоро ќе именува нов стратег.
Според информациите од српските медиуми, одлуката за смената на Благојевиќ главно дошла по иницијатива на Предраг Мијатовиќ, кој моментно има значајна улога во управата на клубот.
Иако Партизан оваа сезона бележи солидни резултати и се наоѓа на делба на првото место со големиот ривал Црвена Звезда, раководството очигледно смета дека е потребна промена за да се задржи чекорот во трката за шампионската титула.
