Инцидентот што се случи по натпреварот меѓу Победа Прилеп и Шкендија Арачиново полека добив разрешница.
Навивачот кој го скрши прозорецот од гостинската соблекувална, е приведен, објави Министерството за внатрешни работи.
„На 01.11.2025 во 15:30 часот, на градскиот стадион „Гоце Делчев“ во Прилеп, полициски службеници од ОВР Прилеп го лишија од слобода Ф.З. (33) од Прилеп, затоа што го нарушил јавниот ред и мир со оштетување на инвентар и други делови од спортскиот објект. Лицето е задржано во полициска станица, а по целосно документирање на настанот ќе следува соодветна пријава“, се наведува во билтенот на МВР.
Против навивачот на Победа ќе биде покрената постапка за нарушување на јавниот ред и мир и уништување на инвентар во спортски објект.
