Македонскиот репрезентативец Александар Трајковски со Ал Фејха ги сопреа Кристијано Роналдо и Ал-Наср и можеби им ја одзедоа титулата во Саудиска Арабија. Ал Фејха ремизираше без голови дома против фаворизираниот Ал-Наср, а Трајковски беше стартер и го одигра целиот натпревар за неговиот тим.
Роналдо и Талиска, главните ѕвезди на Ал-Наср, потфрлија на оваа пресметка, а блескаше Владимир Стојковиќ, голманот на Ал Фејха, поранешен српски репрезентативец и голман на Партизан и на Црвена Звезда.
