Англискиот репрезентативец Рахим Стерлинг се врати во таборот на Англија и се приклучи на подготовките за четвртфиналето против Франција. 27-годишниот фудбалер учествуваше на денешниот тренинг на англискиот тим.
Рахим Стерлинг одлета од Катар во Англија пред осминафиналето против Сенегал (3-0) поради тоа што неговиот дом беше цел на вооружен грабеж. Напаѓачот реши да си оди дома на Островот и да биде со своите најблиски.
„Ќе ја процениме состојбата на Рахим пред натпреварот. Тој пропушти многу тренинзи и издржа два долги лета. Не е најдобро подготовен за натпревар од ова ниво, но ќе видиме во каква форма е сега Стерлинг“, рече селекторот на Англија, Герет Саутгејт.
Четвртфиналниот натпревар на СП 2022 меѓу Англија и Франција ќе се одигра утревечер, од 20 часот.
