Фудбалската репрезентација на Македонија до 19 години го забележа својот втор пораз во квалификациите за Европското првенство, откако на турнирот во Португалија денеска беше поразена од домаќинот со убедливи 4-1.
Португалците рано ја преземаа иницијативата – Патрао донесе водство од 1-0 уште во 6. минута. Силва во 26. минута ја зголеми предноста на 2-0, а пред крајот на првото полувреме Соареш погоди и за 3-0.
Во вториот дел Тровиско се потруди и за 4-0 во 66. минута, а нашите надежи успеаја да постигнат почесен погодок преку Шаботиќ во 71. минута, поставувајќи го конечниот резултат 4-1.
