Оле Гунар Солксјер во ноември доби отказ од Манчестер Јунајтед, а три и пол месеци подоцна доби отштета од 10 милиони фунти. Манчестер Јунајтед потврди дека нему и на неговиот стручен штаб му исплатиле 10 милиони фунти, од кои седум и пол милиони му припаднале на Солскјер.
Тој го водеше тимот на 149 натпревари, а кобен за него беше поразот од Вотфорд (4-1) на 20 ноември. Сепак, по добиената отштета сигурно нема да се чувствува толку разочарано.
Солскјер на кормилото на Манчестер Јунајтед оствари 78 победи, имаше 33 нерешени средби и 38 порази, а го наследи, привремено до крајот на сезоната, германскиот стратег Ралф Рангник.
