Со головите на Цветаноски и Лена, Струга ТЛ славеше со Гостивар (2-0)

Фудбалерите на Струга Трим Лум славеа со 2-0 во пријателскиот натпревар против Гостивар кој се одигра денеска во Струга.

Стружани, кои се и лидери во Втората лига – Запад по есенскиот дел од шампионатот, до победата дојдоа со погодоците на Дејан Цветаноски и Нијаз Лена.

За двата тима ова беше последна контрола пред стартот на пролетниот дел од шампионатот закажан за 7. март.