Македонската фудбалска репрезентација забележа пад од две позиции на најновата ФИФА ранг-листа и сега се наоѓа на 65. место во светот.
Македонските фудбалери во октомврискиот квалификациски циклус за Светското првенство 2026 одиграа два натпревари со нерешен резултат – првиот позитивен, против Белгија на гостински терен (0-0), и вториот против Казахстан пред домашните фанови.
На врвот на листата на ФИФА се наоѓа селекцијата на Шпанија, а Аргентина сега е на второто место, пред Франција. Во Топ 5 се и Англија и Португалија.
