Нотингем Форест го отпушти менаџерот Анге Постекоглу по само осум натпревари на клупата, веднаш откако тимот доживеа пораз од 0-3 против Челси.
Поранешниот тренер на Тотенхем беше назначен пред само 39 дена, но не успеа да оствари ниту една победа на осумте меча што ги водеше.
Неговата ера е најкратката во историјата на Премиер – лигата.
„Фудбалскиот клуб Нотингем Форест потврдува дека по серија разочарувачки резултати и настапи, Анге Постекоглу е разрешен од својата функција како главен тренер со итно дејство. Клубот во овој момент нема да дава дополнителни коментари“, стои во клупското соопштение.
