Шкотска има фантастичен старт на квалификациите за ЕВРО 2024. Благодарејќи на двата гола на Скот Мектоминај, Шкотланѓаните по цели 39 години успеаја да остварат победа над Шпанија славејќи со 2-0. Фудбалерот на Манчестер Јунајтед стрелаше во седмата и во 51.минута од дуелот.
Матео Ковачиќ беше херојот на Хрватска во триумфот од 0-2 на гости против Турција. Тој беше двоен стрелец во првото полувреме. Погоди во 20.минута за отворање на резултатот, а потоа и во последните мигови пред одморот.
Романија ја совлада Белорусија со 2-1, а Швајварците стигнаа до втор триумф, откако вечерва славеа и против Израел со 3-0. Варгас, Амдуни и Видмер беа стрелци на головите.
Велс ја победи Летонија со 1-0, а Андора направи изненадување и освои бод играјќи 1-1 на гости против Косово.
