Повремениот македонски репрезентативец Влатко Стојановски заминува од Шкендија. Тој го раскина договорот, потврди и клубот.
„Шкендија информира дека ја раскина соработката во заеднички договор со напаѓачот Влатко Стојановски. Му благодариме на Стојановски за неговиот ангажман во црвено-црниот дрес, посакувајќи му се најдобро во иднина“, соопштија од Шкендија.
Напаѓачот би можел брзо да се приклучи на друг клуб во Македонија, а води преговори со актуелниот шампион Шкупи.
Стојановски во Шкендија дојде во 2022 година,а претходно играше за Металург, Ренова, Ним, Шамбли, Горица.
