Португалскиот ас Кристијано Роналдо има план за совршен крај на кариерата. И покрај најавите за заминување од Торино, тој сака до крај да го одработи договорот со „старата дама“, а следното лето да се врати во матичниот клуб Спортинг Лисабон. По една или две сезони во Лисабон, тој би ставил конечен крај на блескавата кариера.
Роналдо почетоците ги имаше токму во Спортинг Лисабон, а потоа се пресели во Манчестер Јунајтед во 2003 година. Оттаму патот го одведе на „Сантијаго Бернабеу“ во дресот на Реал Мадрид каде остана од 2009 до 2018 година. Не е исклучено една сезона во кариерата да одигра и во МЛС – лигата на САД, но дефинитивно посакува последната година од актуелната кариера да ја мине во Спортинг Лисабон.
