Македонскиот прволигаш Тиквеш го назначи Борче Христов за нов шеф на стручниот штаб. Тој ќе го наследи Ѓорѓи Мојсов на клупата на кавадаречкиот тим и ќе се обиде да го извлече од опасната зона на табелата.
Тиквеш не го стартуваше најдобро новиот шампионат во Првата лига. Ѓорѓи Мојсов поднесе оставка, а раководството на клубот ја прифати, откако Тиквеш загуби од Арсими дома со 3-4. Тимот имаше водство од 3-1 до 84.минута и потоа прими три експресни гола.
