Роналдо и Трајковски, во тимот на колото во Саудиска Арабија

Македонскиот репрезентативец Александар Трајковски игра во одлична форма во првенството на Саудиска Арабија и заслужи место во тимот на колото. Тој беше стрелец на голот за Ал Фејха во ремито (1-1) на гости против Ал Тавон.

Заедно со Трајковски во тимот на колото е и најголемата ѕвезда во Саудиска Арабија, Португалецот Кристијано Роналдо. Тој постигна хет-трик за едно полувреме во дресот на Ал-Наср на дуелот против Дамак.