Манчестер Сити е на чекор до првото засилување за летниот трансфер период. „Граѓаните“ сакаат да додадат играч од средниот ред во својот состав, а избраниот е Тијани Рејндерс од Милан, кој најверојатно ќе игра за Сити следната сезона.
Клубот од Манчестер веќе постигнал договор со холандскиот фудбалер околу личните услови на трансферот, а сега е блиску и до финален договор со Милан. Во редовите на Манчестер Сити сакаат да ја финализираат зделката што е можно побрзо, бидејќи Пеп Гвардиола смета на него за Светското клупско првенство.
Рејндерс е дел од „росонерите“ од 2024 година и е еден од нивните најдобри фудбалери. Тој има вкупно 104 натпревари во сите натпреварувања со 19 голови и девет асистенции, а оваа сезона одигра 54 меча, постигна 15 голови и додаде пет асистенции.
