Шпанскиот гигант Реал Мадрид го обнови интересот за играчот за врска на Наполи, Фабијан Руиз. 25-годишниот Шпанец пристигна во Наполи од Бетис и докажа дека може да игра на врвно ниво, а стандарден е и во шпанската репрезентација. „Кралевите“ сакаат на лето да го доведат на „Сантијаго Бернабеу“.
Договорот на шпанскиот интернационалец со Наполи истекува во јуни 2023 година, па на лето ќе влезе во последната година од соработката. Тоа значи дека Наполи ќе мора да го продаде доколку не сака потоа да замине како слободен агент.
Карло Анчелоти одлично го познава Шпанецот со оглед дека токму тој инсистираше да биде доведен во Наполи и верува дека би бил идеален наследник за Лука Модриќ.
