Македонскиот првак Шкендија се подготвува за клучниот двомеч против Карабах, а денеска ги доби можните противници за плејоф фазата – и во Лигата на шампионите и во Лигата на Европа, зависно од исходот.
Ако тетовскиот тим го елиминира Карабах, во плејофот за ЛШ ќе игра против еден од следните носители:
- Бодо/Глимт
- Селтик
- Победникот од Малме – Копенхаген
- Победникот од Лех – Црвена Звезда
- Победникот од Лудогорец – Ференцварош
Ждрепката за оваа фаза е закажана за 12:00 часот.
Доколку Шкендија не успее да го мине Карабах, ќе продолжи во плејофот за Лига Европа, каде потенцијални противници се:
- Јанг Бојс
- Поразениот од Лудогорец – Ференцварош
- Поразениот од Малме – Копенхаген
- Подобриот од Хамрун – Макаби Тел Авив
Ждрепката за Лига Европа ќе се одржи еден час подоцна – од 13:00 часот.
