Брера, само неколку дена пред стартот на новата сезона, активно работи на засилување на тимот со цел да обезбеди опстанок во Првата лига.
По вчерашната промоција на Никола Величковски, клубот денес го претстави и босанскиот интернационалец Емрах Макиќ како ново засилување. Макиќ доаѓа од второлигашот ОФК Градина од Сребреник и настапува како дефанзивен играч за врска.
Во својата досегашна кариера, Макиќ има играно за клубови како Бихач, Раднички Лукавац, Горажде, а бил и дел од младинските селекции на Сараево и Јајце.
