Македонскиот шампион Шкендија го дозна и можниот ривал за плејофот во Лигата на Европа. Во случај да биде елиминирана од Карабах во третото квалификациско коло од Лигата на шампионите, Шкендија ќе се соочи со поразениот од двобојот меѓу Лудогорец и Ференцварош во завршната рунда од квалификациите за ЛЕ.
Двата меча се закажани за 21 и 28 август. Првиот натпревар ќе се игра во Скопје, а реваншот на гостински терен.
Интересно е што ако Шкендија успее да го совлада Карабах, тогаш во плејофот за влез во групната фаза од Лигата на шампионите ќе игра против победникот од истиот дуел меѓу бугарскиот и унгарскиот шампион.
