Реал Мадрид покажува интерес за Мартин Зубименди, објави „Марка“. Европскиот шампион сака да го засили средниот ред по заминувањето на Тони Крос во пензија.
„Кралевите“ немаат намера да го купат Родри од Манчестер Сити, па затоа ги истражуваат можностите за привлекување на играчот за врска на Реал Сосиедад.
25-годишниот играч за врска има вредност од најмалку 60 милиони евра, а за него интерес покажуваат и Ливерпул, Арсенал и Манчестер Сити.
Шпанскиот репрезентативец Мартин Зубименди е роден во Сан Себастијан и е дел од младинската школа на Реал Сосиедад. Тој беше дел од шпанската репрезентација што ја освои титулата на ЕВРО 2024.
