Францускиот стратег Зинедин Зидан одлучи да замине од кормилото на Реал Мадрид, а капитенот Серхио Рамос на емотивен начин на Инстаграм му се заблагодари за досегашната соработка.
„Зизу, еден и единствени. Ти посакувам се најдобро. Ти го заслужуваш најдоброто. Уживај во животот, уживајте со семејството. Голема прегратка, тренеру. Благодарам Зидан“, објави Серхио Рамос.
По заминувањето на Зинедин Зидан како најсериозен кандидат за негов наследник се споменува италијанскиот тренер Масимилијано Алегри, поранешен стратег на Јувентус и на Милан.
