Работнички и Тиквеш денеска (14 часот) на стадионот на ФФМ ќе го одиграат последниот меч од 23.кол во Првата фудбалска лига. „Романтичарите“ се надеваат дека со триумф и нови три бода повторно ќе фатат приклучок во трката за титулата, а Тиквеш има други маки.
Тимот од Кавадарци се бори за опстанок оваа сезона по слабиот старт на сезоната, иако поседува респектабилен состав.
Вчера, Силекс и Вардар одиграа 1-1, Беса го победи Шкупи на Чаир со 2-3, Гостивар ремизираше против Брера 2-2, а Шкендија и Струга ТЛ остварија минимални победи од 1-0 против Пелистер, односно против Воска.
