Милан го доживеа првиот пораз оваа сезона во Серија А. Фиорентина го пронајде решението за „росонерите“ славејќи со 4-3 на „Артемио Франки“. Сега само уште Наполи е непоразен во Италија, а утре му гостува на Интер во Милано.
Алфред Данкан го отвори резултатот, а Рикардо Сапонара пред самиот истек на првиот дел зголеми на 2-0. Душан Влаховиќ во 60.минута го постигна третиот гол за „виолетовите“, а кога сите помислија дека се е завршено, со тоа не се сложи Златан Ибрахимовиќ. За пет минути постигна два гола и ја врати неизвесноста, но Душан Влаховиќ со својот вторгол во 86.минута ги разреши дилемите околу победникот. Милан намали на 4-3 во последните моменти, но немаше време за израмнување.
Милан останува на втората позиција со 32 бода, додека Фиорентина сега е на шестото место со 21 бод.
