Ќе игра ли Килијан Мбапе на вечерашниот натпревар против Манчестер Сити на „Итихад“? Ова прашање остана неодговорено и синоќа, откако најдобриот напаѓач на „светците“ го одработи тренингот во пресрет на реванш полуфиналниот дуел од Лигата на шампионите.
Вистината е дека Мбапе чувствува болка во коленото и дека би можел да настапи под блокада, но во таков случај Маурисио Покетино ризикува да го загуби до крајот на сезоната, а ПСЖ се бори за шампионската титула и во Франција. Исто така, доколку состојбата со коленото на Мбапе дополнително се влоши, тој би можел да го пропушти и Европското првенство.
Поради ова, се уште е максимално неизвесно дали Мбапе ќе биде дел од составот на Пари Сен Жермен на вечерашната пресметка против Манчестер Сити. „Граѓаните“ имаат предност (2-1) откако славеа на првиот меч на „Паркот на принцовите“ во Париз.
