Претседателот на ФФМ, Масар Омерагиќ, на средба со првиот човек на ФИФА, Џани Инфантино (ФОТО)

Претседателот на Фудбалската федерација на Македонија, Масар Омерагиќ, денеска се сретна со првиот човек на ФИФА, Џани Инфантино, за време на официјалниот Самит што се одржува во Мајами, САД.

Средбата се случи во рамки на големиот настан што го организира светската фудбалска организација, а кој се поклопува и со одржувањето на Светското клупско првенство.
Омерагиќ и Инфантино разговараа за неколку важни теми, меѓу кои и плановите за идниот развој на фудбалот во Македонија, како и понатамошната соработка и поддршка од страна на ФИФА.

Претседателот на ФФМ му се заблагодарил на Инфантино за досегашната поддршка, а воедно го поканил и да ја посети Македонија во скоро време.