Капитенот на фудбалската репрезентација на Македонија, Стефан Ристовски, и досегашниот капитен на Динамо Загреб, Аријан Адеми, кој прави трансфер во Пекинг Гуан, попладнево се приклучија на националниот тим. Беа пречекани од претседателот на ФФМ, Муамед Сејдини, спортскиот директор Дени Масев и селекторот Благоја Милевски, а вечерва ќе се стават на располагање и ќе го одржат тренингот со соиграчите.
Македонските репрезентативци првиот предизвик во 2023 го имаат против Малта, меч со кој ги отвораме квалификациите за циклусот за ЕВРО 2024, в четврток на арената „Тодор Проески“.
